مخنووووووووقه قوي!!!!

يمكن يكون كل واحد فينا ديما بيقول الكلمه دى

انا مخنوووووووووووووق النهارده

ومش عايز حد يكلمنى



طبعا بنكررها كتير اوى فى كل يوم وكل ساعه

ولا اعتقد ان فى يوم بيعدى من غير ما حد يقولها







ممكن تقولها لما تكون فى البيت وفى ضغوط كتير عليك

او وانت فى الشارع والدنيا زحمه ومش عارف تروح اى مكان

او ممكن فى المواصلات او ممكن فى الكليه

او حتى وانت قاعد لوحدك بردو بتحس انك مخنوق



طب امتى الوقت اللى بتحس فيه انك مبسوط ومش مخنوق

هل لو مبسوط هتقول انك مبسوط وهتفرح اللى حواليك

ولا بس لما بتكون متضايق بتتكلم



فكر كده معايا

ايوة انت وانتى وانا و كل واحد فينا



اول ما بنكون مخنوقين او متضايقين شويه

بنعلن للجميع عن غضبنا ده ونضايق كل اللى حوالينا معانا

يمكن بنكون محتاجين نفضفض شويه يمكن نلاقى الراحه

بس ده لو فى سبب اصلا للاحساس بالخنقه دى



لكن كتير اوى بنحس بالخنقه بدون اسباب

او بمعنى اصح السبب بيكون موجود بس احنا اللى مغمضين عينينا عنه



فى داخل كل شخص فينا في كوبايه

اه كوبايه ( مش غريبه ولا حاجه)




تخيل معايا لو معاك كوبايه وكل يوم تحط فيها نقطتين مايه

الاول هتكون الكوبايه دى فاضيه

وتقدر تستحمل وتشيل النقطتين بتوع كل يوم



لكن فى الاخر الكوبايه دى هتتملى

ومش هتستحمل اى نقطه تانيه

وهتبدا توقع وتخرج اللى جواها





وهذا هو نفس الحال لينا بنفضل كل يوم نتشحن بشويه مشاكل صغيره

ونعديها ونقول مش مهم

ونسمع كلمه من هنا وكلمه من هنا ونشوف موقف من ده وموقف من ده

ونشيل جواه الكوبايه

لحد ما تتملى على الاخر وخلاص ما بقتش مستحمله ولا كلمه واحده

وسعتها هتقول الكلمه المشهورة



انا مخنوووووووووووووووووق

ومش عايز حد يكلمنى



ويجى حد يقولك مالك تقول معرفش

وسعاتها هيكون عندك حق

لان الكوبايه مليانه وانت مش عارف تفضيها




طب والحل ايه ؟؟؟؟؟؟؟





يبقى لازم كل واحد فينا يفضى الكوبايه بتاعته اول باول

ولا داعى للانتظار



يعنى فى اخر كل يوم

تراجع نفسك واللى حصل طول اليوم

الحجات اللى فرحتك والحجات اللى ضايقتك



والحجات اللى ضايقتك دى تحاول تلاقيلها حل ولازم يكون حل ايجابى

او ممكن تتكلم مع صديق او حد قريب منك فيها

المهم انك ما تخليش فى نفسك حاجه



اما الحجات اللى فرحتك برضو لازم تفكر فيها كتير اوى

وتحاول انها تكون دافع ليك

انك تتخطى بيها الحجات اللى بتضايقك



حاول تبتسم دايما

وهتلاقى نفسك افضل



حاول تقرب من نفسك

ايوه نفسك انت



مش هنقول عليك مجنون ولا حاجه ما تخفش

اتكلم معاها واحكيلها ضحكها وبكيها

قرب منها ( دى نفسك مش حد تانى )



حاول بجد وهتلاقى نفسك

وهتعرف انت مين وعايز ايه


حاول تاخد قرار وقول

انى هحاول وهاقدر اوصل للى عايزة

هفرح واعيش حياتى

واتقرب من ربنا

ومش هحس بالضيق ولا بالخنقه دى تانى ان شاء الله

خلي عندك ثقه فى الله ثم فى نفسك

خليك قريب من نفسك ودور عليها صح

وقووووووووووووووول

انا مش هقول الكلمه دى تانى

انا مخنووووووق ومش عايز حد يكلمنى



بالعكس قول الحمد لله



لان الدنيا لو فضلت على حال واحد كنت بردو هتحس انك مخنوق

لازم يكون فيه الظلمه عشان تقدر تعرف النور

ولازم يكون فيه الكره عشان تعرف الحب

ويكون فيه خوف عشان تعرف الامان

يكون فيه حزن عشان تعرف الفرحه

يكون فيه مشاكل عشان تقدر تحلها وتعيش

يكون فيه موت عشان تعرف الحياه





كل اللى محتاجينه

مجرد ابتسامه
رانااااااااااااااااااااااااااااااااا
يا باب يا مقفول.. إمتى الدخول

صبرت ياما واللى يصبر ينول

دقيت سنين.. والرد يرجعلى : مين؟

لو كنت عارف مين أنا.. كنت أقول