جروب صاحبات البشرة الدهنية...جسمنا و بشرتنا هتبقى صافية و فاتحة و منورة و جميلة

النهاردة باذن الله و مشيئته هنبتدى موضوع جديد و مختلف ان شاء الله عن مواضيعنى الى فاتت

الموضوع دة باذن الله هحطلكو فيه كل تجاربى و اسرارى للجمال و هيبقى متجدد و هيبقى خاص فقط بصاحبات البشرة الدهنية الى زيى و انشاء الله كل كام يوم هدخل اتكلم و اكتب حاجة جديدة من الى استعملتها و فادتنى سواء كان نوع كريم و حتى الحاجات الى ضرتنى هقولكو عليها و هقولكو تبعدو عنها
ماسك
طريقة تقشر
شاور جل و هكذا

و كلو باذن الله هيبقى طبيعى و طبى مافيش حاج غريبة و لا تجارية ان شاء الله يعنى

و باذن الله اول ماتوصل عدد العضوات الى هتشترك معايا فى الجروب ل 20 عضوة هنبدتى باذن الله كل يومين ولا حاجة ادخل اقولكم على حاجة و نجربها سوا و تجيو تقوليولى النتائج عشان باذن الله
نوصل لبشرة جميلة و صافية و منورة بدون مشاكل سواء للجسم او للوجه .

طبعا انا مش هينفع اكتب كلو مرة واحدة فا هيبقى كل شوية هضيف حاجو و كلو هيبقى هنا بدل مانشحطط فى المواضيع و نجرب سوا كل حاجة و نيجى نقول لبعض النتائج و الجروب االشتراك فيه هيبقى مفتوح اى عضوة فى اى وقت عايزة تشترك تتفضل تنورنا و الى هيفوتها انا هجيبهولها تانى باذن الله بس انا مش هبتدى الا لما يوصل عدد المشتركات لعشرين عشان يبقى الموضوع طبيعى لانو طبعا مايرضيكومش انى اقعد اكلم نفسى لازم اتاكد انو الفكرة عجباكو و انو فى ناس معايا

و نبتدى على طول باذن الله
بس اهم حاجة تتعاونو معايا عشان نبقى حلوين كلنا و مايبقاش عندنا اى مشاكل و تدلخو باستمرار تقوليلى على نتيجة لك حاجة هنعملها

و عشان التشويق و الاثارة هكتبلكو الحاجات و المواضيع و المشاكل الى بتقابل اصحاب البشرة دى هديكو نبذه عنها يعنى و باذن الله كلنا نستفيد و فى خلاص شهرو و لا اتني كلنا نبقى زى القمر و هنبقى احلى كمان

المواضيع باذن الله هيا :



ازاى نقضى على حب الشباب و اثاره


ازاى نفتح بشرة الجسم و الوجه


لو فى اى علامة ازاى نقضى عليها


لو فى سمار فى منطقة معينة فى الجسم او فى الوجه ازاى نقضى عيله و نفتحو


ازااى نخللى وشنا منور و مورد على طول و ايه افضل ماسكات ممكن تنور و فى فترة قصيرة البشرة


لو عندك مناسبة مهمة ازاى نستعدى ليها و تعلمى ايه عشان تبانى جميلة ووشك منور فيها


الهالات السوداء ازاى نقضى عليها


ازاى تشدى صدرك و تخليه شكلو سكسى


لو طلعلك حباية فى اى وقت و عندك مناسبة مهمة ازاى تقضى عليها فى خلال كام ساعة


ازاى نوحد لون الجسم


ازاى نخللى الجسم مورد و لونو حلو و منور


ازاى نعمل الحمام المغربى و كام مرة عشان نوصل للنتيجة الحلوة بتاعتو و نستفيد منو بجد


لو عروسة و ماكونتيش مهتمة بنفسك و فرحك فاضل عيله شهرين و لا شهر تعملى ايه عشان
تستعدى


بسرعة و تقضى على كل عيون جسمك و فى فترة قليلة


ازاى تحافظى على بياض جسمك


ازاى تعملى شاور جل بنفسك مغذى و حلو و طبيعى


ازاى نتخلص من الرؤوس السوداء


استخدمات كريم بانثينول


تعملى ايه فى الحبوب الى بتطلع بعد ازالة الشعر


ازاى تشيلى الشعر بدون الم ولا حكة من المنطقة الحساسة


استخدامات كريم جليسوليد الاحمر المناسبة لنوع بشرتنا




............................................


دى بعض الحاجات الى هتكلم عنها باذن الله و هنناقشها سوا واحدة واحدة و هنجربها مع بعض و نعملها مع بعض و نجى نقول النتائج و هيبقى موضوع عامل زى الفهرس اى فتوكة ترجعلو فى اى وقت و تحل مشاكل بشرتها باستمرار باذن الله .

اتمنى يا فتوكات اشوف منكم تعاون و تساعدونى عشان افيدكو باذن الله و بفضل الرحمن كل الى فوق دة انا بعملو و بكذا طريقة و هقوكو عليه باذن الله عن طريقة الحلقات و كلو انا مجرباه و لقيت منو نتائج هايلة

منتظرة تفاعلكم و ردرودكم و الى هتبقى معايا و عايزة تبقى جميلة و منورة تسجل اسمها معايا و نتبدى باذن الله فى خلال تالت ايام و لا حاجة .

منتظراكو

سلام عليكم



هبتدى اهو يا فتوكات يا مشتركات

الحلقة الاولى

و الهدف من الحلقة دى الاتى

التخلص من حب الشباب و اثاره
تنوير الوجه
التخلص من اى سمار فى منطقة الوجه
التخلص من الرؤوس السوداء
ازاى تتخلصى من اى حبة تتطلعك فجاءة و فى خلال تالت ساعات

هنعمل الاتى :::


كل يوم باذن الله هنغسل وشنا بصابونة Smoth Face
انا مش هتكلم كتير عليها بس ادخلو مواضيعى و شوفوا الفتوكات الى جربوها قالوا عليها ايه
هنتسعملها مرتين فى اليوم مرة اول مانصحى من النوم و المرة التانية قبل مانيجى ننام

الصابونة دى باذن الله :

هتفتح وشك و تنورروا
الحبوب من تانى يوم هتق و هتروح
علامات الحبوب و البقع الى بتسيبها هتروح و من اول اسبوع
هتخلى وشك صافى وزى الفل بجد

بس طبعا انتو عارفين انو بشرتنا دهنية و لاااااااااااااااازمة مع التنظيف عايزة تقشير لانو الصابونة دى بتقشر الوش انتى مش هتحتاجى تستخدمى معاها اسكرب

انا بقى هقولو على كريم ليلى من اختراعى هنحطو مرة واحدة فى اليوم قبل ما نيجى ننام و بعد مانكون نظفنا وشنا بالصابونة

و الله يا فتوكات انا كان عندى هالات سوداء و كان فى سمار حوالين بقى و عالمات حبوب ووشى ماكنش بيبقى منرو من بعد مابتديت احط الكريم دة كل يوم و اقسم بالله كل المشاكل دى راحت و حسيت بالنتيجة من اول اسبوع الحمد لله و انتو هتشوفو بنفسكو

دى مكوانتو

كريم بانثينول او كريم ايفا بالجلسرين
ربع معلقة زيت جنين القمح
ربع معلقة زيت اللوز المر
حتة صغيرة من فازلين الطبى

قلبى كلو مع بعضو و سيبيع فى علبه تكون فاضية و كل يوم بعد ماتغسلى وشك بالصابونة و تكونى رايحة تنامى حطى منو بس اهم حاجة لان احنا بشرتنا دهنية

تحطى منو طبقة خفيفة يادوب تلميس كدة و تكترى شوية عند الحتة الى فيها سمار زى مثلا حوالين الفم و تحطى منو حوالين عنيكى و على الرقبة و هتشوفى تانى يوم وشك هيكون عمل ازاى .

الصبح بقى و احنا خارجين طبعا عادى نغسل بالصابونة بتاعتنا و بعيدن عشان تحافظى على بشرتك زيى و تخلى الشمسس ماتسمركيس و لا يكون فى بقع ولا غمقان ووشك يبقى منور هتحطى الاتى:

سائل التفتيح من اولاى بالتوت البرى دة ب 45 جنيه

و فوقيه تحطى

كريم جونسون ان جونسون بتاع النهار و دة ب 20 جنيه

هتحطيهم و تخرجى هيفضل وشك طول النهار محمى من الشمس لا هيسمر و لا هيبهت و هيبقى منور جدا و اى عيوب لسه ماراحتش هتروح و هتختفى مع الاتمرار دة غير او بيبقى عامل زى كرم الاساس بس احلى كمان لانو بشرتك هتبانى انها صافية و طبيبعة فى نفس الوقت

دلوقتى بقى ازى نتخلص من الرؤوس السوداء و فى ربع ساعة باذن الله و دى برضو من اختراعى و تجربتى الشخصية

انا اصلا كنت عملت ليها موضوع بس هنقلو هنا بحيث انو يبقى قدام الكل و كل حاجة تبىق هنا بدل مانقعد ندور على المواضيع

و هيا دى الطريقة :

اولا
المكونات:

حلة صغيرة

نعناع ناشف

الصابونة او الغسول الى انتى بتستعمليهم عشان تنظفى بشرتك

مرهم فيوسدين(ضرورى جدا اوى خالص)

ملقاط يكون جديد و حامى و بيشيل كويس مايكونش ناعم

اى نوع مرطب


مندلين ورق

نتبدتى بقى الخطوات: اولا هتملى الحلة الصغيرة ماء و تضيفى عليها معلقتين كبار من النعناع الناشف

و بعدين تتستنى لما تغللى و تقفى قدمها عشر دقاق عشان تفتحى المسام

و بعدين تدهنى مناخيرك بالمرطب عشان تبقى طرية و ناعمة و تعرفى تخرجى الرؤوس السوداء

بعد كدة تجيبى مندلين ورق تخلليهم فى ايدك الشمال

و تجيبى الملقاط و زى ماقولتك يبقى حلو مايكونش فيه حاجة تعور و فى نفس الوقت مايكونش ناعم اوى

و تجى عند كل راس سوداء و طبعا تبقى واقفة قدام المراية

و تجى عند الراس و تفركيها او تنكشيها بالراحة كدة

هقولكم اكتر عشان تفهموا

عارفين لما بتدخل حتة من سلك المواعين فى ايدك بتعملى ايه بتجيبى الملقاط و تقعدى تحركيها يمين و شمال لحد ماتتطلع من جوة و بعدين تروحى ماسكاه بالملقاط مطلعه اها صح

هوا دة بالظبط الى هنعملو هتيجى عن الراس السوداء و بالحرفين بتوع الملقاط كدة تقعدى تحركيها لغاية ماتحسى انها ظهرت اكتر و طلعت شوية تروحى ماسكاها بالملقاط و شداها هتلاقيها بتطلع معاكى فى ثوانى

و هكذا عند كل راس لغاية ماتخلصيهم كللهم

و بعد كل مرة تخلصى راس تروحى ماسحة الملقاط ف المناديل الى معاكى عشان ينظف و تعرفى تشوفى كويس و انتى بتشيلى

و بعد ماتخلصى خالص

اغسلى مناخيرك كويس بالصابونة بتاعتك و بعدين نشفيها

و بعدين حطى مرهم فيدوسيدين على مناخيرك عشان يهديها و عشان لو كنتى جرحتى نفسك جرح خفيف ممكن ماتكونيش شايفاه الفيوسدين يخلليه يخف

بس كدة يا فتوكات انا علمت كدة بالظبط و الله امبارح و بالصدفة كنت بعمل ماسك فاطبعا عمل حمام بخار و بعدين

ربنا سبحانة و تعالى هوا الى هدانى روحت ماسكة الملقاط بتاعى و عالمة بيه كدة و لقت ماشاء الله الرأس السودا بتتطلع بمنتهى السهولة بس زى ماقولتلك بالحروف بتاعت الملقاط الى هوا السن الرفيع كدة و حركيها لغاية ماتطلع و تظهر و بعدين امسكيها بالملقاط هتلاقيها طلعت معاكى

و حاجة كمان و انتى بتفركى الراس السوداء افركى بالراحة بشويش لانو ممكن تجرحى نفسك مهما كان الملقاط الة و لو استخدمتيها بشدة هتجرحك .

اخيرا باذن الله موضوع الحبوب الى ممكن تطلع فى الوش فجاءة و يكون عندك مشوار او حفلة او مناسبة مهمة تعملى ايه

هتغسلى وشك بالصابونة بتاعتنا باذن الله و بعدها

تاخدى معلقتين من عشبة زهرة البابونج و تغلليهم فى كباية ماء و بعد ما تغللى تماما ترفيعها من على النار و تصبيهم فى كباي و تستنى لما تهدى و بعيدن تجيبى قطنى و تبلليها من المنقوع بتاع البابونج و تمرريها على وشك كلو و تتكى على الحبة الى ظهرت تفضلى تعملى كدة كل نص ساعة و لا حاجة مافيش ساعتين هتلاقى الحبة نشفت ووقعت ان شاء الله و ان لسه عاملها من يومين الحركة دى و الحبة اختفت تماما الحمد لله







الحلقة الثانية


(الهالات السوداء)

اولا هتعملو الماسك دة هوا اسمو ماسك الزيوت و انا بعلمو اسبوعيا و مش قادرة اقولكم على نتائجة اكثر من رائعة

اولا يمنع ظهرو التجاعيد
بيصفى البشرة
بينورها و يخليها موردة
بيزيل الهالات السوداء مع الانتظام فى استخدامو اسبوعيا
بيزيل البقع السمرا
بيوحد لون البشرة

و غيرو و غيرو بحد خراااااااااااااااااااافة

و زى ماقولتلكم قبل اى ماسك ننظف البشرة بالصابونة بتاعتنا و بعيدن نعمل حمام بخار و طبعا عرفنا خلاص حمام البخار بيتعمل ازاى و يعدين نحط الماسك و هوا دى مكوناتو



ماسك الزيوت و الليمون (منع ظهور التجاعيد و تصفية البشرة)
زيت الزيتون
زيت اللوز بتاع البشرة
زيت السمسم
زيت المشمش
زيت جنين القمح
لانولين
مقدار ملعقة صغيرة من كل نوع
يسخن اللانولين و الزيوت فى اناء ثم يضاف اليه عصير الليمون و يترك حتى يبرد و يوضع على الوجه لمدة ساعتين ثم يشطف

(ينصحبعدم استعمال صابون او غسول للبشرة فى اليوم الى تعملى فيه الماسك دة عشانالزيوت تفضل على البشرة اكبر قدر ممكن يعنى تغسلية بالمية و بعدين تمسحىبمنديل ورق و بس)

,ولازم علشان تلاقى النتائج الكويسة من الماسك لااااااااااااازم كل المكونات تكون موجودة مانفعش اى حاجة تبقى ناقصة و لازم يتساب ساعتين و لو تالت ساعات يكون افضل و ممنوع غسل الوجه بيه باى صابونة لانها هتتدخل المسام و تضيع مفعوله يعنى يستحسن تعمليه يوم الجمعة و يكون بالليل علشان تعمليه و تنامى و يفضل على بشرتك اكب روقت ممكن يعنى يتشال و تشطفى وشك بالمية و بعدين تمسحى بمنديل ورق و بسسسسس ماتعمليش اى حاجة تانية فى وشك

ثانى حاجة هنعملها احنا المفروض طبيعى بنعملها و هوا كرمي الليل عادى هنحطو يوميا برضو زى ماحنا ماشيي مافيش تغير و هنحط منو زى ماقولت فى الحلقة الى فاتت حوالين العين و يكون بطريقة الطبطبة مش المسح يعنى تفرد حتة مش كبيرة من الكريم و تفضلى تتطبطبى عليها لحد ما الجلد يمتصها

ثالث حاجة و اخر حاجة فى علاج الهالات السوداء


لوعندك امساك او بتشربى سجاير او منبهات كتيرة توقف كل دة تماما و قالت انوالامساك السبب الرئيسى فى ظهور الهالات السوداءو اذا كان غير كدة فيبقى عوامل كتيرةمنها الحالة النفسيةو الاجهاد و التعبو عدم انتظام النوم او قلة النوم
العلاج هوا

شيح البابونيك

وشيح البابونيك دة يتجاب من عند العطار


تجيبى كمية و تحطى نصها فى وعاء و تدخلى الوعاء دة التلاجة و تسيبيه لحد مايسقعو تاخدى النص التانى من شيح البابونيك و تغليه فى ماء على النار و بعد مايغلى تطفى عليهو ترفعية من على النار و تخرجى الوعاء الساقع من التلاجة و تجيبى قطنة ناشفة و تسقى مرة فى الوعاء الساقع و تمرى القطنة على عيونكو بعدين قطنة تانية و تسقيها فى الوعاء السخن و تمرريها على عيونكيعنى الساقع ورا السخنبس كدة و باذن الله السواد هيخفالسواد دة مش بيكون سواد دة بيكون تجلط الدم فى الجفن فابيبانعلى انو لون اسود فالحركة دى بتخلى الدم يفك و السواد يروح واحدة واحدة

اذن علاج الهالات السوداء

ماسك الزيوت مرة اسبوعيا
الكيم الليى بتاعنا يوميا
شيح البابونج يوم بعد يوم



الحلقة الثالثة


(تفتيح الجسم بكربونات الصوديوم +اللوشن الطبيعى)


بكربونات الصوديوم سيبك من كل كلام يتقال تانى دة الى انا عملتو و الله ما فى غيرها وحدت لون جسمى و بعد كدة بقيت اعمل الحمام المغربى او اى طريقة تقشير تانية لكن اساسا الى خلا لون جسمى واحد هيا كربونات الصوديوم و برضو للامنة انا خدتها من منتدى تانى الطيقة دى

اولا
بعد ماتغسلى جسمك بالشاور عشان تشيلى اول طبقة موش نضيفة من الجسم
تسيبى جسمك مندى و بعيدن تجيبى فوطة صغيرة الى هيا بتقى مربعة دى هتلاقيها عند مامتك خدى واحدة خليها ليكى
و بللى الفوطة بماء دافئ و اعصريها و بعدين حطى عليها كربونات الصوديم لغاية مايبقى كلها متغرقة بيه و بعدين ادعكىجسمك كويس جدا و اتكى كويس على المناطق الى فيها سمار و و اشطفى جسمك بعد ماتخلصى و ارجعى اعملى كدة تانى يعنى مرتين

و بعدين اشطفى جسمك تانى و بعدين حطى الللوشن دة و اوعى تكنسلى حاجة منو


زيت اللوز للبشرة طبعا
زيت جنين القمح
زيت الزيتون
جليسرين
نصف زجاجة ماء ورد
اى نوع لوشن انتى بترتاحى عليه
جل جونسون
( معروف جدا و موجود فى كل حتة)
اخلطى كلو مع بعضو لغاية مايبى عامل زى الكريم و حطيه فى علبه و حطيه على جسمك بعد كل مرة مرة تقشرى بيها

بس كدة اعملى الموضوع دة مرة او اتنين فى الاسبوع و اقسم بالله بعد اسبوعين اتين يعنى بعد مرتين هتبتدى تحسى بالفرق و بعد شهر واحد جسمك كلو هيبقى لون واحد و استمرى عليها بعد كدة عشان تحافظىعلىلون جسمك واحد

بعد بقى مابقى لون جسمى واحد بقيت استعمل وسائل التقشير التانية منها طبعا

الحمام المغربى


و دة هيكون عنوان الحلقة الى جاية



(طريقتى الخاصة فى عمل الحمام المغربى )



الحلقة الرابعة

الحمام الملكى للجمال
(الى هوا الحمام المغربى + حمام العروسة)



المكونات المطلوبة ::

( الصابونة المغربى البلدى الاصلى+ الطمى المغربى+ليمونتين كبار+ الليفة المغربى + ملح الحليب يوكو سبا +زجاجة ماء ورد + شاور جل+ لوشن الجسم بتاعنا الى عملناه المرة الى فاتت طبعا عارفينو )



الخطوات:
تعريض الجسم للبخار لمدة عشرة داقئق او ربع ساعة .
فرد الصابون المغربى علىكامل الجسم و تركه لمدة ثلث ساعة .
شطف الجسم و فركه بالليفة المغربية لمدة ربع ساعة بشدة و بحركة دائرية .
وضع المبيض على الجسم و هوا عبارة عن هذا الخليط ( ملعقتين كبار من الشاور جل الخاص بيكى +عصر الليمونتين الكبار + ملعقتين ماء ورد اخطيهم كويس مع بعض و افردى الخليط على الجسم كويس جدا ) و بعدين اقعدى دلكى جسمك باطراف اصابعك و بحركة دائرية لمدة عشرة دقائق و بعدين يشطف الجسم .
وضع الطمى المغربى على الجسم بعد خلطه بماء الورد يوضع على الجسم بالكامل و يترك ربع ساعة ثم يشطف .
تتدليك الجسم مرة اخرى بالليفة المغربية لمدة ربع ساعة .
وضع ملح الحليب على الجسم و تدليكة لمدة عش دقائق ثم يترك على الجسم لمدة عشرة دقائق اخرى .
شطف الجسم بالماء البارد .
وضع اللوشن المغذى على كامل الجسم .
طبعا زى مانتو شايفين الحمام دة الى بيعملوه للعروسة فى المغرب و هوا تنظيف عميق جدا جدا و ترطيب قوى لبشرة الجسم عشان كدة بيتعمل مرة واحدة فى الشهر و طبعا ماننساش يا جماعة المنطقة الحساسة كل خطوة زى مابتعمليها على جسمك تعمليها على المنطقة الحساسة بس برفق .


و يستحسن قبل الحمام المغربى بيوم تكونى شيلتى الشعر الى فى جسممك و بعد ماتشيلى الشعر تدهنى من كريم بانثينول علشان تتجنبى ظهور الحبوب

و الحمام المغربى تبدءوا تعملوه بعد ما توحدوا لون جسمكو بالكربونات يعنى مش دلوقتى افضلو مثلا شهر و نص شهور او شهرا استعملو الكربونات اسبوعيا و بعدها الللوشن بتاعنا و بعد ما لون جسمك يتوحد ابدئى خللى التقشير مرتين فى الاسبوع مرة بالكربونات و مرة بالحمام المغربى

و مش كتير و لا اجهاد على البشرة ولا حاجة لانو لازم تعرفو انو الخلاي الميتة ال هيا السبب الاساسى فى ظهرو الحبوب و الجفاف و السمار فى السجم بتتكون كل تالت ايام يعنى التقشير مرتين فى الاسبوع هوا الصح



الحلقة الخامسة
(شاور جل طبيعى للجسم هيفتح و ينظف و ينعم الجسم)


و د طريقة عملو و مكوناتو انا علمتو و بجد بينعم و يطرى الجسم جدااااااااااا و بيقتح مع الوقت طبعا دة غير ريحتو الى تجنن




صابونة دوف للاستحمام (و دى ب 7 جنيه و نص)
صابونة يوكو سبا بالحليب ( موجودة فى العزبى و ب 7 جنيه و نص برضو)
اربعة معالق جلسرين
معلقة كبيرة فازلين
تالت تربع زجاجاة ماء ورد
معلقتين كبار زيت اللوز المر
معلقتين كبار زيت جنين القمح



ابشرى الصابونة و اخلطى عليه بقية المكونات و بعيدن حطي الخليط كلو على النار و افضلى قلبى و تكون النار هادية و قلبى لحد مالمكونات كلها تسيحوو يبقى كلو قوام واحد مختلط ببعضو
حطيه فى اى علبة او زجاجة فاضي عندك و حطية فى الفريزر لحد تانى يوم و عيدن طعيه و سيبيه برا عادى و هتلاقيه بقى شاور جل طبيعى و ممتاز و كل اتجيى تستحمى افرديه على جسمك و سيبيه عشر دقايق و بعيدن دلكى جسمك بالليفة العادية بتاعت البودى شوب و اغسلى جسمك و اتفرجى على النعومة و الجمال
انا كدة خلصت النهاردة مش هكتب حلقات تانى
باذن الله الحلقات الى جاية هتكون عن ماسكات البشرة و طرق تقشير الجسم طرق تانية من اختراعى غير الحمام المغربى و الكربونات




و يا جماعة انا مش بقولكم اعلمو كل دة فى وقت واحد انا عاملة المضوضوع دة هحط فيه كل تجاربى الناجحة و الفاشلة كمان و كل الى بستخدمو وفادنى بجد و انتو تختارو الى يعجبكو بس طيعا ماتبدؤش تستخدمو طرق التقشري الى فى الحلقات الى جاية غير لما تخلصوا الجدول بتاع الكربونات و الحمام المغربى الى هوا هيسترم الكتير تالت شهور و باذن الرحمن هتلاقى جسمكو زى الفل بعد كدة تبدؤا بقى تنوعوا و تستخدمو طرق تانية فى التقشير او تخليكو على الى فات الى يعجبكو بس هوا دة الى انا عملتو الاول وحدت لون جسمى بالكبونات و بعد كدة بقتي انوع فى التقشير و بقشر مرتين فى الاسبوع مش مرة واحدة لكن الى مشغولة فة دراسة او امتحانات مش مشكلة مرة واحدة بس تنتظمى عليها




الحلقة السادسة :
(استخدامات كريم بانثينول)



هيا كتيرة طبعا و الاول هوا اصلا عبارة عن كريم ملطف و ملين و رقيق على البشرة و ينفع لكل انواع البشرة و مغذى جدا لانو فيه الكولاجين الطبيعى الى بيجدد خلايا البشرة و فى ناس كتيرة قالت انو بيفتح البشرة ع الاستمرار فى استخدامو


للشفاه:

ممكن تخلطى كريم بانثينول على علبة الفازلين الطبى الصغيرة و بكدة هيكون عندك زبدة كاكاو طبيعة مغذية و مرطبة للبشرة.



للخطوط البيضاء:

يخلط كريم بانثينول بزيت جنين القمح و زيت اللوز المر و يدهن على المناطق الى فيها خطوط بيضاء مرتين فى اليوم للمدة شهر هتروح الخطوط البيضاء باذن الله و دى تجربة ناجحة لكذا فتوكة.

للحبوب بعد ازالة الشعر:

بعد ازالة الشعر بالسويت او اى وسيلة تانية تدهنى كريم بانثينول على المنطقة الى شيلتى منها الشعر باذن الله مش هيطلع حبوب و لا هتحصل حكة و لا اى مشاكل .

لعلاج تشققات القدمين:

تدهنى منو قدمك مرة فى اليوم و بعدين تلبسى شراب قطن هيخلى رجلك زى الحرير .

مرطب جميل للبشرة:

ينفع مرطب لاى نوع من انواع البشرة هيغذيها و ينورها .

لعلاج تهيج البشرة:

بمعنى انو لو بشرتك التهبت فى اى وقت من اى حاجة و فى اى مكان فى الجسم ادهنى منو على مكان الالتهاب هيديه خالص باذن الرحمن .

هيا دى استخدامتو يا فتوكاتى




الحلقة السابعة :

(ماسك المسام الواسعةو ماسكات العسل)



قبل مااتكلم و اقلكو الماسكات من فضلكوا يا فتوكات بطلوا تخترعوا ماسكات من دماغوا يا جماعة بشرتكو حرام لازم تكونى متاكدة انو الماسك صح و مناسب نوع بشرتك فاستاذنكو تسالونى قبل ماتعملو اى ماسك و يتسحتن ماتعملوش غير الماسكات الى هقولها فى الموضوع دة لانو كلها انا مجرباها و مناسبة لبشرتنا

و قبل اى ماسك نعمل الخطوات الصح من فضلكو مافيش خطوة ماتتعملش :

1.التنظيف بالصابونة بتاعتنا
2.التقشير(انا مش بعمل الخطوة دى يعنى ممكن تستغنى عنها)

3.عمل حمام البخار
4.وضع الماسك
5.وضع مرطب بعد الماسك


نبدا بقى

ماسك النشا

الماسك دة للمسام الواسعة هوا مماز و يبفضل تاثيرو يومين على البشرة بمعنى انو بتفضلى يويمن تحسى انو شكل المسام مش واسع و بينور الوش و ينعموا و يفتجوا جدا مع الوقت

و دى طريقتو

معلقة كبيرة نشا + نص كباية ماء

سخنيهم على نار هادية لحد ما يبىق عالم زى الجل يعنى لمدة تالت دقايق كدة و ارفيو بعدين افرديه على بشرتك و سيبيه تلت ساعة .




ماسك العسل و البابونج


اغلى معلقتين من عشبة البابونج على النار و بعدين صفيه و خدى المية بتاعتو و ذوبى فيها معلقة صغيرة عسل نحل و بعدين افرديه على بشرتك و سيبيه لمدة ربع ساعة و بعدين اغسلى وشك بماء دافى و بعدين ماء بارد.


ماسك العسل و اللبن

معلقة صغيرة مليانة عسل نحل +معلقة كبيرة لبن نيدو + ربع كوباية ماء

ذوبى اللبن فى الماء و بعدين ضيفى عله معلقة العسل و خطيهم فى الكنكة بتاعت البن حطيهم على النار و افضلى قلبى حد ما العسل يذوب تماما فى اللبن و ارفعيه و حطيه فى كوباية

و بعد ماتكونى خلصتى الخطوات بتاعتما افرديه على وشك هوا هيكون سايب عادى افرديه برضو و كل ماتحسى انو بدا ينشف على وشك ارجعى خدى تانى شوية ووزعيهم على الوش و هكذا افضلى اعملى الحركة دى بمدة تلت ساعة ولا حاجة و بعد كدة اشطفى وشك بماء دافئ و بعدين ماء بارد.

بعد ماسكات العسل ياجماعة مانحطش مرطب .






الحلقة الثامنة :

(جدول العرايس للجمال)

http://forums.fatakat.com/thread641730








طبعا الماسكات الى انا مجرباها كتيرة مش هينفع اكتبها فى حلقة واحدة فا كل مرة هكتب ماسكين





بسم الله الرحمن الرحيم

كيف حالكم يا فتاتيك نكمل بقى البرنامج بتاعنا هكتب الحلقتين بتوع النهاردة

الحلقة التاسعة

(خطوات لاطلالة مشرقة فى المناسبات الهامة و السعيدة)

باذن الله الكلام مش هيكون بس على الماسكات و لا الكريمات و كدة لا كمان هقوكم تعملو ايه علشان تغذوا نفسكم من جوا بحيث انو يبانى على البشرة و كلها خطوات سهلة خالص و بسيطة و مش هتاذى اى حد

اولا هنعتمد على حاجات اساسية

الفاكهة
شرب المية بكثرة
الماكسات و تنظيف البشرة

دلوقتى هنفترض انو عرفتى انو عندك مناسبة مهمة كمان اسبوع او اقل و لسه موش موظبة نفسك و عايزة تبانى وشك منور و جميل هقولك يا ستى تعملى ايه

اولا:

هنشرب خمس كبايات مية فى اليوم و كل كباية تضيفى عليها معلقة صغيرة من ماء الورد
و ماء الورد تجيبيه من عطار كبير و ماتضيفيش اكتر من معلقة صغيرة لانو كترها بيعمل مشاكل فى المعدة هيا معلقة صغيرة على كباية كبيرة.

ثانيا:

هنام كل يوم مش اقل من 8 ساعات و مش اكتر برضو من 8 ساعات

ثالثا:
فى وجبة الفطار و وجبة العشاء هتاكلى ثمرتين فاكهة من انواع الفاكهة دى

التفاح
الفراولة
الكمثرى
الخوخ
البرتقال

اشمعنى الفاكهه دة بالذات لانو الفاكهة دى اكتر انواع الفاكهة الى فيها الفيتمينات المفيدة للبشرة الى هيا فيتامين E و فيتامين C

رابعا:

هنقلل من اكل الاكل الى فيه توابل كتير لانو دة بيطلع حبوب فى البشرة

خامسا :
هنصلى الفجر حااااااااااااضر
طبعا زمانكو بتقول البت نوتى اتجننت ايه الى جاب الصلاة فى موضوعنا

هقولكم و الله العظيم يا فتوكات صلاة الفجر حاضر ليها فوائد كتيرة جاد
بتنور البشرة بجد بجد و بتصفيها و تخليها مشرقة

و دة بيرجع للصفاء و الاطمئنان النفسى الى الانسان بيحس بيه لما بيصلى الفجر حاضر بيفضل طول اليوم اعصابو مستريحة و مطمئن نسفيا و نفسيتو كويسة اوى و دة بينعكش على الوجه و يخليه مشرق

طبعا انا ماقصدش نصليه حاضر فى الايام دة بس لا طبعا احنا المفروض نصليه حاضر على طول.

سادسا:

ماسكات البشرة

فى الاسبوع دة هنمشى عادى جدا على الجدول بتاعنا فى العناية بالبشرة نفش الخطوات مش هتتغير

بس فى ماسكين مهمين جدا بينورو الوش و يخلوه مورد و يصفوا البشة بجد خارااااااااااااااااافة و هما مش ماكسات على قد ماهما عاملين زى الاسكنيول او التونر ماسك مؤقت او موضعى

المهم

انا قولت طبيعى ماسك منهم و هوا ماسك العسل و اللبن هتلاقوه موجود فى الحلقة السابعة

و الماسك التانى دة بقى بجد ضرب نااااااااااااااااار فظيع انا شخصيا بعملو يوميا

فاكرين يا فتوكات خليط الزيوت الى قولتلكم عليه فى حلقة الهالات السوداء الى هوا ماسك الزيوت و قولتلكم خلوا الزيوت هنحتاجها ماترموهاش

اهو هنحتاجها دلوقتى

و الزيوت المطلوبة اهيه تانى (زيت الزيتون+زيت السمسم+زيت اللوز المر+زيت المشمش+زيت جنين القمح)

هاتى زجاجة فاضية و حطى فيها من كل نوع زيت معلقتني كبار و بعدين اقفلى الزجاجة و رجيها كويس علشان الزيوت تختلط ببعضها

و هاتو صابونة يوكو بالحليب الصابونة دى خرافة هتلاقوها برضو فى الصيدليات و هيا ب7 جنيه و نص مش غالية و بتقعد تالت شهور معاكى

و الماسك بقى دى طريقة عملو

اولا يتعمل فى نص اليوم

يمعنى انك تكونى نظفتى بشرتك عادى الصبح بالصابونة بتاعتنا و بعدين بعد ست ساعات كدة تعملى الماسك دة

افردى طبقة خفيفة خالص زى نقطة كدة على كل حتة فى الوجه و بعيدن هاتى صابونة يوكو و رغيها فى ايدك و افردى الرغوة على الوجه و الرقبة و بعدين سيبيها لحد مالبشرة تمتصها خالص و بعدين اشطفى وجهك بالمية الباردة و بسسسسس

من اول ماهتشطفي وشك هتشوفى هيبقى عامل ازاى منور و مورد و بجد تحفة

بس اهم حاجة ماتنسوش الى قولتو الماسك يتعمل فى نص اليوم و الزيوت تفردى منها طبقة خفيفة خااالص

يبقى احنا دلوقتى عندنا ماسكين هنعملهم فى الاسبوع الى قبل المناسبة

ماسك العسل و اللين

و ماسك صابونة يوكو بالحليب و خليط الزيوت

طول الاسبوع يوم تعملى فيه ماسك العسل
و اليوم التانى تعملى فيه ماسك صابونة يوكو

و هكذا لحد يوم المناسبة

يبقى بختصار دة الى هنعملو فى خلاصل الاسبوع:

الانتظام على برنامج العناية بالبشرة.
اكل اربع ثمرات فاكهة يوميا.
النوم جيدا.
يوم ماسك العسل و اليوم الثانى ماسك صابونة يوكو.
الانتظام فى صلاة الفجر حاضر.
شرب ماء يوميا مختلط بماء الورد.

انا كدة خلصت الحلقة دى و باذن الله لو عملتو كدة هتبقول تمام و وشك منور جدا جدا فى المناسبة الى عندكو

الحلقة الى جاية هيا

الحلقة العاشرة(ماسكات الزبااااااااادى)

بسم الله الرحمن الرحيم

الحلقة العاشرة

(ماكسات الزبادى)

اولا يا فتاتيك الماسكات بتاعت الزبادى كلها الى هكتبها دلوقتى باذن الرحمن ليها الفوائد الاتية:

بتنور الوجه جدا و تصفيه
بتغذى البشرة
مع الاستمرار بتوحد و تفتح لون البشرة
بتقضى على الحبوب و دة موجود فى ماسك الخميرة و الزبادى
بتحافظ على البشرة نضرة و ناعمة و دة لانو الالبان اكتر مغذى للبشرة
بتضيع اثار الحبوب و دة موجود فى ماسك الاسبرين و الزبادى

هكتب دلوقتى تالت ماسكات:

ماسك الزبادى و الاسبرين
ماسك الزبادى و الخميرة (دة اقل مايقال عليه انو سحرررررر)
ماسك الترمس و الزبادى(دة مقشر ممتاز للبشرة و بيغذى و بيفتح من اول مرة)


ماسك الخميرة و الزبادى

ملعقة صغيرة خميرة البيرة من الفرن +ملعقة كبيرة زبادى منتهى الصلاحية +ملعقة ماء ورد

يخلط جيدا حتى يتماسك و يوضع على الوجه لمدة نصف ساعة ثم يغسل و يوضع بعدة مرطب خفيف للبشرة.


ماسك الزبادى و الترمس

معلقة زبادى بايت +معلقة ترمس مطحون+شوية ماء ورد+ممكن تضفوا معلقة صغير من عسل النحل)

تخلطيهم سوا كويس لغاية ما يبقى عامل زى الكريم كدة و ماتكتريش من مية الورد عشان مايبقاش سايب و يقع

و حطيه على بشرتك لمدة نص ساعة او ساعة الا ربع و ساعة الا ربع افضل طبعا .

و بعدين اغسلى بشرتك و حطى مرطب خفيف .


طبعا فاكرين انو بعد ماسكات العسل قولتلكم مش ضرورى نحط مرطب
بس ماسكات الزبادى كلهااااااااااا الى انا كاتبها دى لاااااااااااازم نحط مرطب ضرورى جدا جدا و خصوصا ماسك الترمس و الاسبرين


ماسك الزبادى و الاسبرين


معلقتين زبادى صغيرين+ذوبى قرصين اسبرين فى شوية ماء

اخطليهم ببعض و افرديهم على الوجه و سيبيه 10 دقائق فقط

طبعا فاكرين الموضوع بتاعى بتاع التحذيرات قولتلكم ماسك الاسبرين مايتسبش مدة طويلة على البشرة هما عشر دقائق فقط اكتر من كدة هيضر البشرة

و طبعا لازم اعيد كل مرة ماتنسوش الخطوات الرئيسية قبل الماسكات

التنظيف بالاصبونة بتاعتنا
حمام بخار لمدة 10 دقائق بعد كدة نعمل الماسك بتاعنا

كدة خلصت الماسكات

فتوكاتى عايزاكو تعرفو انو كدة احنا فاضلنا تالت حلقات بس و ابقى خلصت كل الى قولت هتكلم عليه بفضل الله.



الحلقة الحادية عشر

(العناية و تفتيح الايدى و الاقدام و الابط)


ازيكم يا فتوكات باذن الله هنكمل البرنامج بتاعنا و الحمد لله قربنا خالص و الحلقة دى بيسطة باذن الله و سهلة هكتبلكم فيها ازاى تعتنى بالايد و القدم و الابط

ازاى نتحهم و ننعمهم و نعتنى بيهم باستمرار و الكلام هيبقى واحد لكلو

يعنى طرق العناية بيهم مش هتختلف

اولا الى عايزينو فى البرنامج بتاع العناية بالابط و الايدى و القدم

كريم جلسوليد الاحمر يفضل الحجم الكبير ب12 جنيه تقريبا
ليمونة كبيرة
زيت زيتون
سكر و ملح

الخطوات الى هقولكم عليها تتعمل كل يوم و يفضل تتعملى اكتر من مرة فى اليوم علشان تلاقى نتائج اسرع

هاتى كريم جليسوليد و اعصرى عليها ليمون كبيرة و قلبى كويس

و كل يوم تخلطى تحطى معلقتني صغيرين من زيت الزيتون و عليهم معلقة صغيرة سكر و معلقة صغرة ملح و تفرد الخليط على ايدك او قدمك او الابط

و بعدين تجيبى ليمونة و تقسميها نصين و و تاخدى نص تقعدى تحركيه على المكان وتدلكى بيها الايد او القدم او الابط و لما يخلص تعملى بالنص التانى و بعيدن لما تخلصى تشطفى المنطقة و تحطى عليها كريم جليسوليد الاحمر

دة يوميا الخطوات دى و كل ماتعمليها اكرت من مرة فى اليوم كل مالقيتى نتيجة احسن


و طبعا الحمام المغربى بيساعد جدا فى سرعة تفتيح اى مكان مسمر



انتظمى عليه مرة فى الاسبوع و من اول مرة هتلاقى جسمك بيفتح

و بالنسبةلمزيلات العرق افضل ماركات

Fa
Bac
Rixona

دول افضل انواع مزيلات عرق

كدة انا خلصت البرنامج بتاع العناية بالابط و القدم و الى قولتو يا جماعة هوا نفسو الى هيتعمل للايد او القدم او الابط

و علشان ايدك و قدمك تفضل ناعمة على طول

ادهنى من كريم جليسوليد الاحمر مررتين فى اليوم ايدك

و قدمك ادهنى منو بيها قبل ما تنامى و البسى شراب قطن




الحلقة الثانية عشر

(العناية بالصدر و تجميله)

هتلقوها فى اللينك دة


http://forums.fatakat.com/thread585090

و اى سؤال بخصوص الحلقة دى او العناية بالصدر اسالونى هنا فى الموضوع دة


الحلقة الاخيرة


و دى هتكون حلقة وداع هقوكلم فيها كلام عام و هننهى البرنامج الجميل دة .

بعد كدة الموضوع هيفضل مفتوح برضو كل مانجرب حاجة تجوا تقولولى على اخبارها
اى ساؤل عايزين تستالوه فى اى حاجة باذن الله لو اقدر مش هتاخر عليكو
و هكذا.




الحلقة الاخيرة :

فتوكاتى باذن الله انا كدة بفضل الله خلصت البرنامج بتاعى قولت كل الحاجت الى اتكتبت فى الموضوع فى الاو الحمد لله

و برضو بفضل الله النتائج المرجوة من الموضوع اتحققت الحمد لله مع كل الفتوكات الى تابعوا معاايا من الاول الحمد لله بقوا تمام و مع الاستمرار هيبقوا زى الفل

ان شاء الله الموضوع هيفضل مفتوح كل الى عايزينتسالو فيه هجاوبكم عليه سواء بخصوص الحلقات او براها باذ الله مافيش اى مشاكل

و اى فتوكة عايزة تبتدى معانا اهلا بيها تنورنا و تسال فى الى عايزاه و باذن الله اجاوبها

اتمنى يكون الموضوع و البرنامج عجبكم فعلا و استفدتم و لقتيو نتائج حلوة و نفعكم

و ياريت كل واحد تستفيد مى بحاجة و تلاقى نتائج حلوة من اى حاجة قولتلها عليها

تدعيلى

ربنا يكتبلى الى فيه الخير الايام الى جاية دى و يلطف بيا و يرضينى بالى هيكتبهولى

بالله عليكم يا فتوكات

و انا و الله بجد اتبسطت جدا معاكم و سعيدة اكتر منكم بالنتائج الهايلة دى الحمد لله و ربنا يدمها عليكم نعمة و يكرمكم و يسعدكم جميعا

فى حفظ الله يا اخواتى





دمتم فى حفظ الله



والسلام عليكم و رحمة الله